Мектеп кітапханасында көрнекті қазақ жазушысы, қазақ балалар әдебиетінің негізін қалаушылардың бірі Сапарғали Бегалиннің туғанына 125 жыл толуына орай арнайы тақырыптық кітап бұрышы ұйымдастырылды. Көрмеде жазушының үздік шығармалары, өмірі мен шығармашылық жолы туралы материалдар, фотосуреттер және оқырмандарға арналған ұсыныстар қойылды.
Тақырыптық бұрыштың мақсаты — оқушыларды автордың бай әдеби мұрасымен таныстыру, кітап оқуға қызығушылықтарын арттыру және олардың дүниетанымын кеңейту. Осындай көрме арқылы оқушылар Бегалиннің шығармашылығымен тереңірек танысып, оның қазақ балалар әдебиетіне және ұлттық мәдени мұраға қосқан үлесін түсіне алады.
Тақырыптық кітап бұрышы мектеп кітапханасының маңызды бөлігіне айналып, әр жастағы оқушылардың қызығушылығын тудырды.
