2025 жылғы 5–12 қыркүйек аралығында Павлодар облысы Білім басқармасының Шербақты ауданы Білім бөліміне қарасты КММ «№3 жалпы орта мектебінде» 1–11 сыныптарда ата-аналар комитеттерінің алғашқы отырыстары өтті.
Тақырыбы:
«Жауапты ата-ана, қолдаушы педагог және «Адал азаматты» тәрбиелеудегі қауіпсіз мектеп».
Отырыстар барысында келесі мәселелер қарастырылды:
1. Мектеп пен ата-аналар комитеттерінің бірлескен жұмысының басымдықтары.
2. Сынып ата-аналар комитетінің қызметін үйлестіру ерекшеліктері.
3. Сынып ата-аналар комитетінің төрағасы мен активін сайлау.
Отырыстың мақсаты – «Адал азамат» тәрбие берудің Бірыңғай бағдарламасын іске асыру аясында ата-ана мен мектеп арасындағы серіктестікті нығайту.
Ата-аналар жоғары белсенділік танытты: мұғалімдермен өзара әрекеттесу мәселелерін талқылап, ынтымақтастықты нығайту бойынша ұсыныстар айтып, балаларды тәрбиелеу тәжірибесімен бөлісіп, мектеп ортасын жақсартуға қатысты бастамалар ұсынды. Ерекше назар оқушылардың қауіпсіздігін қамтамасыз ету және жауапты азамат қалыптастырудағы отбасының рөліне аударылды.
Нәтижесінде әр сыныпта ата-аналар комитетінің төрағалары мен активі сайланып, бірлескен жұмыстың алдағы бағыттары айқындалды.
1–4 сынып оқушыларының ата-аналары үшін «DosbolLIKE» бағдарламасы аясында сабақтар да өткізілді.
Іс-шараларға 95 ата-ана қатысты.
